تربت:
مکران ءِبُنجاہی شہرتربت ءَگاریں بلوچانی ظاہرکنگ ءَگاریں مردمانی کَس ءُآزیز،بلوچ نودربرءُلَس مردماں ریلی کتگ ۔
عئیدءِدومی روچ ءَمکران ءِمزن شہرتربت ءَبلوچ اسٹوڈنٹس تربت ءِ بندءُبوج ءَچہ تربت پریس کلب روڈءَریلی کنگ بوتگ ،ریلی پولیس تھانہ روڈءَداں نیشنل بینک ءُمین روڈءَداں فداشہیدچوک ءَروان بوتگ،چوک ءَجلسہ کنگ بوتگ ،اے ریلی ءَگاریں بلوچانی کَس ءُآزیز،بچک ءُ جنکیں نودربر،لَس مردماں ہوارحق دوءِ جہدکارہم گون بوتگ انت۔
زہرشانی کنوکاں لوٹ کتگ کہ ڈاکٹرجمیل بلوچ،فیروزبلوچ،کریم جان فضل،نعیم رحمت،اسرار،وسیم امامءَہواردرستیں بیگواہیں بلوچ ءُنودربرظاہرکنگ ءُعدالتاں پیش کنگ بہ بنت،اگاں عدالتاں پیش کنگ نہ بنت گُڑاعدالتانی ڈولداریں ماڑیاں کروج ءُدوربہ دی انت۔
زہرشانی کنوکاں پلے کارڈءُگاریں بلوچانی عکس دستاں بوتگ انت۔
Discover more from Balochistan Affairs
Subscribe to get the latest posts to your email.