لورالائی میڈیکل کالج ءِ نودربراں کالج ءِ سروک ءِ ڈلگ چاری ءُ بُنکی ضلورتانی نہ دیگ ءِ حلاف ءَ زہرشانی کتگ ، زہرشانی کنوکیں نودربراں شاہ دگ پہ گاڑی ءُ موٹلانی رؤآ ءَ بند کتگ ، ءُ وتی لوٹانی زوت سرجم کنگ ءِ لوٹ کتگ ۔
زہرشانی کنوکیں نودربراں گشتگ کہ بنداتی روچ ءَ لورالائی میڈیکل کالج ءَ بے آسراتی ءِ سَوَب ءَ نودربراں وڑوڑیں سکّی دیماپیداگ ، وہدے کہ کالج انتظامیہ مدام نودربراں دروغیں تَسلّا دنت ، برے نیمون سازیت ءُ برے گُرّ ءُ نِہر دنت ءُ آہاں حاموش کنت ، نودربراں لوٹ کتگ کہ بلوچستان ءِ سروزیر ءُ محکمہ جان سلامتی لورلائی میڈیکل کالج ءِنودربرانی درستیں جیڑہاں گشاد بکنت ۔