وائٹ ہاؤس نے امریکی صدر جو بائیڈن کے مشرق وسطیٰ کے پہلے دورے کی تفصیلات کی تصدیق کر دی ہے۔ اس دورے کے دوران بائیڈن اسرائیل کے بعد سعودی عرب بھی جائیں گے۔ سعودی عرب میں وہ متوقع طور پر ولی عہد محمد بن سلمان سے بھی ملیں گے۔ یہ دورہ 13 سے 16 جولائی کے درمیان کیا جائے گا۔ جو بائیڈن پہلے اسرائیل پہنچیں گے اور پھر مقبوضہ مغربی کنارے کے فلسطینی علاقے کا دورہ کرنے کے بعد سعودی عرب جائیں گے۔ بتایا گیا ہے کہ بائیڈن رملہ میں فلسطینی صدر محمود عباس سے بھی ملیں گے۔ صدر بائیڈن اسرائیلی فلسطینی تنازعے کے دو ریاستی حل کے حامی ہیں اور ان کی انتظامیہ امریکہ کے فلسطینیوں کے ساتھ تعلقات بحال کرنا چاہتی ہے۔
Discover more from Balochistan Affairs
Subscribe to get the latest posts to your email.