کیچ:
کراچی سے جبری گمشدہ کیے جانے والے بلوچ طلباء گمشاد بلوچ اور دودا بلوچ کے رشتہ داروں نے کل بروز اتوار 12 جون کو 11 بجے تربت پریس کلب کے سامنے ان طلباء کی جبری گمشدگی کے خلاف مظاہرہ کرنے کا اعلان کیا ہے-
گمشاد بلوچ اور دودا بلوچ کے رشتہ داروں نے کیچ کے عوام، سول سوسائٹی، آل پارٹیز الائنس، وکلاء برادری، طلباء تنظیموں، انسانی حقوق و سماجی تنظیموں، حق دو تحریک، خصوصاً پریس کلب کے نمائندوں کو اس مظاہرے میں شرکت کی دعوت دی ہے اور کہا ہے کہ مظاہرے کے بعد ڈپٹی کمشنر کو یاد داشت پیش کی جائے گی اور آئندہ کا لائحہ عمل طے کیا جائے گا۔ جس میں ڈی بلوچ میں دھرنا، پہیہ جام تربت ٹو کراچی پیدل لانگ مارچ کے آپشن زیر غور ہیں۔
