صوبائی الیکشن کمیشن نے بلوچستان کے ضلع کوئٹہ، لسبیلہ اور باقی رہ جانے والے دیگر علاقوں میں بلدیاتی انتخابات کا شیڈول جاری کردیا۔
الیکشن کمیشن بلوچستان کی جانب سے جاری کئے گئے شیڈول کے مطابق مذکورہ علاقوں میں الیکشن 28 اگست کو ہوں گے، کاغذات نامزدگی کیلئے پبلک نوٹس 6 جولائی کو ہوگا، 14 سے 18 جولائی تک ریٹرننگ افسران کے پاس کاغزات نامزدگی جمع ہونگے۔
شیڈول میں بتایا گیا ہے کہ 19 جولائی کو نامزد امیدواروں کے نام آویزاں کئے جایئں گے، 23 جولائی تک ریٹرننگ افسران کی جانب سے کاغزات نامزدگی کی جانچ پڑتال ہوگی، 28 جولائی تک ریٹرننگ افسران کے فیصلوں کیخلاف اپیلیں دائر کی جاسکیں گی۔
صوبائی الیکشن کمیشن کے مطابق 2 اگست تک اپیلیٹ اتھارٹیز کی جانب سے ریٹرننگ افسران کے فیصلوں پر دائر درخواستیں نمٹائی جائیں گی، 3 اگست تک امیدواروں کی نظرثانی شدہ لسٹیں آویزاں کی جائیں گی جبکہ 4 اگست تک امیدوار دستبردار ہوسکیں گے۔
الیکشن کمیشن بلوچستان کی جانب سے 5 اگست کو حتمی امیدواروں کو انتخابی نشانات دیئے جائیں گے۔
- کوئٹہ: جبری لاپتہ شہزاد بلوچ کے اہل خانہ کا وی بی ایم پی کے ہمراہ پریس کانفرنس - June 27, 2022
- سعودی عرب سفارتی مذاکرات کی بحالی چاہتا ہے، ایران - June 27, 2022
- جرمنی: سیاسی پناہ کے متلاشی افراد کے مرکز میں چاقو حملہ، ایک شخص ہلاک - June 27, 2022
