کوئٹہ:
بلوچ لبریشن آرمی نے اپنے جاری کردہ ایک بیان میں کہا ہے کہ ان کے سرمچاروں نے بلیدہ کے علاقے گردانک میں گذشتہ رات پاکستانی فوج کے اہلکاروں کو آئی ای ڈی حملے میں اس وقت نشانہ بنایا جب وہ دو موٹرسائیکلوں پر گشت کررہے تھے، دھماکے کی زد میں آنے سے دواہلکار ہلاک اور موٹر سائیکل تباہ ہوگئی۔
دریں اثناء بی ایل اے کے سرمچاروں نے قلات کے علاقے جوہان میں قابض فوج کے کیمپ پر بھاری ہتھیاروں سے حملہ کیا جس کے نتیجے میں دشمن فوج کو جانی اور مالی نقصانات اٹھانے پڑے۔
بی ایل ے ترجمان کے مطابق حملے کے بعد لیویز فورس کے اہلکاروں نے ہمارے سرمچاروں کا تعاقب کرنے کی کوشش کی، منصوبہ بندی کے تحت پہلے سے مورچہ زن سرمچاروں نے لیویز اہلکاروں کو گھیرے میں لے لیا تاہم مقامی افراد کے ناطے لیویز فورس کے اہلکاروں کے ساتھ رعایت برتی گئی اور انہیں نشانہ نہیں بنایا گیا۔ ان کے مطابق بی ایل اے اس سے قبل بھی پولیس و لیویز فورس کو وارننگ جاری کرچکی ہے کہ وہ اجتماعی اور انفرادی حوالے سے بلوچ قومی تحریک کے سامنے کسی طرح کی رکاوٹ بننے سے گریز کریں، بصورت دیگر مذکورہ فورسز کو نشانہ بنایا جائے گا۔
Discover more from Balochistan Affairs
Subscribe to get the latest posts to your email.