کوئٹہ:
بلوچستان میں گزشتہ 48 گھنٹوں کے دوران کورونا وائرس کے پھیلاؤ کی شرح میں اضافہ ریکارڈ کیا گیا ہے۔
کوئٹہ سے محکمہ صحت کے جاری کردہ اعداد و شمار کے مطابق 7 ستمبر کو صوبے میں کورونا کے پھیلاؤ کی شرح 7.5 ہوگئی تھی۔ بلوچستان میں کورونا کے پھیلاؤ کی شرح گزشتہ روز 1.5 تھی۔
محکمہ صحت کے مطابق کوئٹہ میں کورونا کے پھیلاؤ کی شرح 4.6 فیصد ہوگئی ہے اور شہر میں گزشتہ روز کورونا کے پھیلاؤ کی شرح 0.4 فیصد تھی۔ جبکہ صوبے میں 594 کورونا ٹیسٹ کیے گئے اور 45 مثبت کیسز کی تصدیق ہوئی ہے۔
محکمہ صحت کے مطابق اس دوران کوئٹہ میں سب سے زیادہ اٹھارہ کیسز سامنے آئے۔ بلوچستان میں کورونا کیسز کی تعداد31 ہزار 504 ہوگئی ہے۔
محکمہ صحت نے بتایا کہ بلوچستان میں کورونا سے جاں بحق افراد کی تعداد 342 ہے-
Courtesy: Daily Jang
Discover more from Balochistan Affairs
Subscribe to get the latest posts to your email.