پنجگور:
دیوان ساھت 11 ءَ بندات بوت دیوانءِ جارچین اکیڈمیءِ مالی کارگشاد ودود عبدل ات۔
دیوانءِ اولی بار سسا ءِ تہءَ عبداللہ بلوچ ءَ روسی گدار نویس نیکولائی گوگول ءِ نامداریں گدار تاراس بلبا ، سدیس رفیق ءَ بھگوت گیتا ءِ بہر مہا بھارت ءُ زید ارشادءَ برٹش انڈین گدار نویس جارج آرولءِ نامداریں گدار اینیمل فارم ءِ سرا گونڈ گری رپکانی ردءَ چمشانک دات۔
پیر جان نعیمءَ اکیڈمی ءِ بنکی باسک یار جان ملازئی ءِ زندءُ ازمءِ سرا چمشانکے دات ۔۔دیوانءِ دومی بہرءَ پروفیسر ایف ۔ جے فیضی ءُ ودود عبدل وتی آزمانک وانتاں ءُ پروفیسر اکبر غمشاد ءَ گوں وتی شعراں دیوان وشنود کرت۔ دیوانءِ گڈ سرا پروفیسر اشرف فضل ءَ جتاجتائیں سرھالانی سرا زانشی گپ جت ۔ دیوان ساھت دوءَ آسر بوت۔