ایغور نسلی اقلیتوں کے مبینہ استحصال پر سینتالیس ممالک کی تشویش، چین کا اعتراض

اقوام متحدہ میں سینتالیس ممالک نے چین میں ایغور نسلی اقلیتوں کے مبینہ استحصال پر تشویش ظاہر کی ہے۔ ان ملکوں کی جانب سے جاری کردہ ایک مشترکہ بیان میں کہا گیا ہے کہ دس لاکھ سے زائد ایغور اور دیگر مسلم اقلیتوں کو سنکیانگ صوبے میں بنائے گئے کیمپوں میں جبراً قید میں رکھا گیا ہے۔ بیجنگ حکومت نے ان کیمپوں کی موجودگی کا اعتراف کیا ہے تاہم اس کا کہنا ہے کہ یہ ’پیشہ وارانہ تربیت کے مراکز‘ ہیں اور ’انتہا پسندی‘ سے نمٹنے کے لیے ضروری ہیں۔ بیجنگ حکومت نے ان سینتالیس ممالک کے مشترکہ بیان پر شدید ردعمل ظاہر کرتے ہوئے اسے مسترد کر دیا ہے۔