زی جولائی ءِ سینزدہ ءَ رفیق چاکرءِ کتاب پرباگ منی ھنکین ءِ دیمدرائی دیوان عزت اکیڈمی پنجگور ءَ برجم دارگ بوت کہ آئی ءِ تہءَ مردماں مزنیں کساسےءَ بھر زرت ۔
دیوان ءَ پروفیسر اکبر غمشاد ،عزت اکیڈمیءِ چیرمین خدارحم شوہاز، اقبال زھیر ،سدیس رفیق ءُ ظہور زیبی کتابءِ سرا وتی وتی ھیال درشان کرتاں ءُ کتابءَ پہ بلوچی لبزانک ءُ ھاسیں رنگ ءَ بلوچی درکسہی لبزانکءِ تہءَ جوانیں گیشی لیک ات ۔
کتاب ءِ نبشتہ کار ءَ مراگشءِ اولی بھر ءِ گڈ سرا بھر زوروکانی منت گیپت۔
دیوان ءِ دومی بھر ءَ مشاعرہ ئےبرجم دارگ بوت کہ دیوانءِ دیما اکبر غمشاد، زاکر زھیر ،عوض عاجز ، صابر سہیل ،حاجی باھند ھاشمی ،ملا مراد، ودود عبدل ،ولی ساسولی ،ظہور زیبی ءُ شاہ دوست شاھی وتی دستونک ءُ لچہ ونت انت ءُ چہ دیوانءَ داد گیپت۔
دیوان گڈ سری بھرءَ نادر اسلم ءُ مسرور عمر ءَ گوں وتی وشیں سوتاں دیوان تامدار کرت۔
اے دیوانءَ نامداریں احوالکار عمر ماجدءَ احوالکاریءِ ڈبہ وتی کوپگاں زرتگ ات۔
دیوانءِ تہا نامداریں احوالکار عبدالواحید مری،نامداریں آرٹسٹ پروفیسر حفیظ گوھر جی،گلوبل انگلش گرامر اسکولءِ کارمستر وقار احمد بلوچءَ ھوار نودبرءُ اسکالراں بہر زرت۔
اے دیوانءِ دوئیں بہرانی جارچین عزت اکیڈمیءِ شنگکاری کارگشاد پیرجان نعیم ات۔
دیوان ساہت سئے بجءَ آسر بوت