برطانیہ ءِپارلیمنٹ ءَہائوس آف لارڈزءِبیرونس نٹالی بینیٹ ءَگُشتگ کہ ماں بلوچستان ءَانسانی حقانی لگتمالی ہچ پیم ءَڈلگ چارکنگ بوت نہ کننتءُپرے لگتمالی ءَپاکستان ءَراجُست ءُپُرس کنگ بہ بیت۔12جولائی 2022ءَپارلیمنٹ ءِبان یک (1) ءَ “بلوچ لائیوزمَیٹر”ءِبُنگپ ءَدیوانے برجم دارگ بوتگ۔اے دیوان ءِمہمان داربیرونس نٹالی بینیٹ بوتگ۔ آئی ءَ گشتگ کہ بلوچستان ءَزوربیگواہ کنگ ،درقانودی کُوش،وسائلانی لُٹ ءُ پُل کنوک حساب ءُداد کنگ لوٹ انت۔ اے دیوان ءَنامداریں کوّاس ءُانسانی حقانی جہدکاراں ہم ماں بلوچستان ءَانسانی حقانی لگتمالی ءِجتاجتائیں تَک ءُپہناتاں وتی حیال درشان کتگ انت۔
چریشی ءَابید،بی ایچ آرسی ءِجوڑکتگیں یک دستاویزی تامُرے ہم اے دیوان ءَپیش دارگ بوتگ۔تامُرءَ بلوچ ءِگوں پاکستان ءَجیڑہ ءِباروءَگونڈیں پس منظرے ہوارکنگ بوتگ۔
بلوچ ہیومین رائٹس کونسل ءِایگزیکٹیوکارمسترڈاکٹرنصیردشتی ءَبُنگیجی گشتانک ءَبلوچستان ءَانسانی حقانی لگتمالی ءُزوراکی ءِباروءَدیوان بریفنگ داتگءُگُشتگ کہ ماں بلوچستان ءَمیاں استمانی مُلکانی مداخلت الّمی انت،آئی ءَگوں میاں استمانی مُلکاں گُشتگ کہ یوروپ،افریقہ ءُبلوچستان ءَانسانیت ءِحلاف ءَزوراکی ءِگرءُدارکنگ ءَہچ پیمیں فرق ءُپیرکنگ مہ بیت۔
اسکول آف اوری اینٹل اینڈ افریقن ءِپولکارڈاکٹر بورزین واگھمرءَہورت چاری کُتگ کہ چینءِ گوں ارباں کلدارانی سی پیک ءِمنصوبہاں بلوچستان ءَدیمری ءِنام ءَآہگ ءِ سوب ءَ ماحولیات تباہ بوتگ ،مردمانی چاگردی ءُمالی جاورپدروی ءِآماچ انت۔
ورلڈ سندھی کانگریس ءِمزن گشاد کار ڈاکٹر لکھومل لوہانہ ءَہورت چاری کتگ کہ بلوچ ءُسندھیانی سرءَزوراکی گیش بوتگ انت۔آئی ءَچہ میاں استمانی مُلکاں دزبندی کتگ کہ آاے باروءَمداخلت بکن انت ،چدءُپیش کہ آپ چہ سرءَسربگوزیت۔
پیٹرٹیچل فاؤنڈیشن ءِپیٹرٹیچل ءَہورت چاری کتگ کہ بلوچستان ءَانسانی حقانی لگتمالی بُن اصل ءَپاکستان ءِبلوچستان ءَرازُورگرگ ءَپدءُبلوچانی پہ وتی وت واجہی ءِجہدءِسَوَب ءَکنگ بوئگ ءَ انت۔آئی ءَبلوچ ءُپاکستان ءِجیڑہ ءِگُشادکنگ ءَپُرایمنیں راہ بندسَلاہ داتگ۔چرے سَلاہاں یکے بلوچستان ءَاقوام متحدہ ءِبندءُبوج ءَجنگ بندی،درستیں بیگواہیں بندیگانی یلہ دیگ ،بلوچستان ءَمیاں استمانی رسانک جاہ ءَپہ احوال کاری ءَاجازت دیگ،ماں پاکستان ءَیاچہ پاکستان ءَڈن دراں ڈیھ بوتگیں بلوچاں واتربرگ ءُآبادکنگ،ءُبلوچانی واہشت ءِزانگ ءَاقوام متحدہ ءِبندءُبوج ءَریفرنڈم کنگءِ سَلاہ ہوارانت۔
ماں بلوچستان ءَزوراکی ءِبے آسری ءُترندی دلگوش دیگ ءَپداے سَلاہ دیگ بوتگ کہ برطانیہ ءِپارلیمنٹ ءُمیاں استمانی مُلک اے جاورحال ءِباروءَپولکاری بنگیج بکن انت۔ءُپاکستان ءَوتی میاں استمانی ذمہ واریانی سرجم کنگ ءَپہ بے سوبی ءَجُست ءُپُرس بکن انت۔بیرونس نیٹلی بینیٹ ءَاے جیڑہ ماں برطانیہ ءِپارلیمنٹ ءَآرگ ءِقول کتگ۔
Discover more from Balochistan Affairs
Subscribe to get the latest posts to your email.