اریڈ یونیورسٹی روالپنڈی کے شعبہ ایجوکیشن کے بلوچ طلباء نے لاپتہ فیروز بلوچ کی باحفاظت بازیابی کیلئے احتجاجی مظاہرہ کیا اور کلاسسز کا بائیکاٹ کیا- مظاہرے کے شرکاء نے اپنے مطالبات کے حق میں مختلف پلے کارڈز اٹھا رکھے تھے۔ احتجاجی مظاہرے سے خطاب کرتے ہوئے مقررین نے کہا کہ ملک بھر کے تعلیمی اداروں میں بلوچ طلباء کو حراساں کیا جارہا ہے- ساتھ ساتھ بلوچ طلباء کو جبری طور پر لاپتہ کیا جارہا ہے جس کی ہم شدید مذمت کرتے ہیں- انکا کہنا تھا کہ اس وقت ملک بھر میں زیر تعلیم بلوچ طلباء اذیت ناک صورتحال سے دوچار ہیں- ہم اس احتجاج کی توسط سے انسانی حقوق کے اداروں سے اپیل کرتے ہیں کہ فیروز بلوچ سمیت تمام لاپتہ بلوچ طلباء کی باحفاظت بازیابی کیلئے کردار ادا کریں-
Latest on YouTube