پاکستان: ڈالر206روپے کی ریکارڈ سطح پر پہنچ گیا، بجلی 42 پیسے فی یونٹ مہنگی کردی گئی

پاکستان میں بدھ کو دن کے آغاز میں ہی ڈالر کی پیش قدمی شروع ہوگئی۔ انٹربینک میں ڈالر 84پیسے مہنگا ہوکر206روپےکی ریکارڈ سطح پرپہنچ گیا۔ دوپہر 12 بجے تک انٹر بینک میں ڈالر ایک روپیہ 34 پیسے مہنگا ہوکر 206 روپے 50 پیسےکی ریکارڈ سطح پرتھا جس کے بعد دوپہر 2 بجے انٹر بینک میں ڈالر روپیہ 60 پیسے مہنگا ہوکر 206 روپے 75 پیسےکی ریکارڈ سطح پر پہنچا۔ اوپن مارکیٹ میں بھی ڈالرکی207 روپے کی ریکارڈ سطح پر فروخت دیکھی گئی اورڈالر کی 207 روپے 50 پیسے کی ریکارڈ سطح پر فروخت دیکھی گئی- جبکہ دوسری جانب نیپرا نے فیول لاگت اور ڈالر کی قدر میں اضافہ کو وجہ بتاتے ہوئے اعلان کیا ہے کہ پاکستان میں بجلی 3 ماہ کیلئے 42 پیسے فی یونٹ مہنگی کردی گئی ہے-