ایران نے اپنی جوہری تنصیبات میں سے ایک پر نصب عالمی جوہری توانائی ایجنسی کے دو نگرانی کے کیمرے ہٹا دیے

ایران نے اپنی جوہری تنصیبات میں سے ایک پر نصب عالمی جوہری توانائی ایجنسی کے دو نگرانی کے کیمرے ہٹانے کا اعلان کر دیا ہے۔ ایرانی سرکاری ٹی وی کی رپورٹوں کے مطابق بدھ کے روز ایرانی حکام نے کہا کہ اب تک آئی اے ای اے نے ایران کے وسیع تعاون کی نہ صرف ناشکری کی ہے بلکہ وہ اسے ایک لازمی عمل سمجھ رہا ہے۔ لہٰذا متعلقہ حکام نے آن لائن اینرچمنٹ میٹر  کے نگرانی والے کیمرے بند کرنے کے احکامات جاری کر دیے ہیں۔ اس اقدام کے نتیجے میں ایران اور اقوام متحدہ کے نیوکلیئر واچ ڈاگ کے مابین کشیدگی بڑھنے کا خدشہ ہے۔