ایران میں ٹرین حادثے میں دس افراد ہلاک اور پچاس دیگر زخمی

ایران میں ایک مسافر بردار ٹرین پٹری سے اتر گئی۔ اس حادثے کے نتیجے میں کم از کم دس مسافر ہلاک اور پچاس سے زائد زخمی ہوگئے، جن میں کئی افراد کی حالت تشویشناک بتائی جا رہی ہے۔ سرکاری میڈیا کے مطابق یہ واقعہ ایران کے شہر تباس سے تقریباﹰ پچاس کلومیٹر کے فاصلے پر بدھ کی صبح پیش آیا ہے۔ اس دور دراز علاقے میں مواصلات کی انتہائی ناقص سہولت موجود ہے۔ امدادی ٹیمیں ایمبولینس اور تین ہیلی کاپٹروں کے ذریعے جائے وقوعہ تک پہنچ رہی ہیں۔ ایرانی حکام نے ٹرین حادثے کی وجہ جاننے کے لیے تحقیقات کے احکامات جاری کر دیے ہیں۔ ایرانی میڈیا کے مطابق یہ ٹرین شہر مشہد سے یزد جا رہی تھی ۔