ایرانی حکومت سے تعلق رکھنے والے ہیکروں کے اسرائیلی کمپنیوں پر سائبر حملے

دفاع، مالیات اور متعدد دیگر شعبوں سے تعلق رکھنے والی درجنوں اسرائیلی کمپنیوں پر جمعرات کے روز سائبر حملے کیے گئے۔ امریکی بین الاقوامی ٹیکنالوجی کمپنی مائیکروسافٹ کا کہنا ہے کہ اسے یقین ہے کہ ایرانی حکومت سے تعلق رکھنے والے اور لبنان میں موجود ایک گروپ پولونیم نے اسرائیل میں کام کرنے والی 20 تنظیموں اور اداروں کے علاوہ لبنان میں متحرک ایک تنظیم کو بھی سائبر حملوں کا نشانہ بنایا ہے۔ مائیکرو سافٹ نے تاہم دعویٰ کیا کہ اس نے سائبر حملوں کا سراغ لگا کر انہیں ناکارہ بنا دیا ہے۔