بلوچ ریپبلکن آرمی ءِ جارکش بیبگر بلوچ ءُ یونائیٹڈ بلوچ آرمی ءِ جارکش مرید بلوچءَ ماں رسانکدراں وتی یکجاھی ترانے شنگ کنانءَ گشتگ کہ بلوچ ریپبلکن آرمی ءُ یونائیٹڈ بلوچ آرمی ءِ کمانڈ کونسلزءِ یک دیوانے زورگپتیں بلوچستانءَ برجم دارگ بوتگ کہ آ دیوانءِ تھا بلوچ راجی راجکاری ءُ سلاہ بندیں جھدءِ سرا یک جوانیں باوستے کنگ بوتگ کہ آئی تھا راجی سلاہ بندیں جھد ءِ شاھگانی ءُ پاکستانءِ لشکرءِ ناشرکاریانی دیمپانیءَ بلوچ سلاہ بندیں توان ءُ تاگتءِ یکمشتیءِ ھاتر ءَ بی آر اے ءُ یو بی اے ھردو ھوار کتگ اَنت ءُ چہ بلوچ نیشنلسٹ آرمی بزاں (بی این اے) ءِ نامءَ راجی گھگیری جنگءَ را برجم دارگ ءِ جار پِرینّگ بوتگ۔
بی این اے ءِ ماں رسانکدراں جارکش ایوکءِ مرید بلوچ بیت ءُ وھدیکہ گلءِ آفیشل چینلءِ نام “باسک” بیت۔ وھدیکہ بی این اے گوستگیں بی آر اے ءِ دِْرچ ءَ برجم داریت ءُ بلوچ راجی آجوئی سنگر (براس) ءِ ھما پیمءَ بھرے بیت۔
بلوچ نیشنلسٹ آرمی ءِ مرکزی کمانڈ کونسل گَل ءِ سرجمیں گھگیری چست ءُ ایرانی ھورت چاری ءَکنت۔ ءُ گَل اے کؤلءَ کنت کہ زورگیریں لشکر ءُ آئی ءِ ھمراہ دارانی سرجمی ءَ ولگوجی ءَ داں وتی جھد ءَ برجاہ داریت ءُ نوکیں جاورانی ھسابءَ جھدءَ ترند تِر کنت
