پنجگور میں انٹر نیٹ نہ ہونے سے بارڈر پر تصدیقی عمل سست روی کا شکار

پنجگور ایران بارڈر سے منسلک کاروباری لوگوں نے کہا ہے کہ پنجگور سینٹر میں انٹرنیٹ و بجلی کی کمزور سہولت کی وجہ سے گاڑیوں کی بارڈر انٹری تاریخ کا تصدیقی عمل سست روی کا شکار ہے، گھنٹوں لائن میں کھڑا ہونا پڑتا ہے۔ انہوں نے کہا ہے کہ گزشتہ ادوار میں گاڑیوں کی تصدیق تاریخ پاک الرٹ میسج موبائل فون کے ذریعے ملتا تھا جس کی وجہ سے ہمیں گھر بیٹھے معلوم ہوجاتا تھا لیکن اب یہ میسجز کسی کو ملتاہے اور کسی کو نہیں ملتا انکی درستگی کی ضرورت ہے۔ انہوں نے ضلعی انتظامیہ سے مطالبہ کیاہے کہ سینٹر میں سہولیات کے فقدان کا نوٹس لے کر کاروباری لوگوں کو آسانی فراہم کرے۔