پنجگور: ایران بارڈر جیرک کراسنگ پوائنٹ کی بندش کے خلاف احتجاج

بلوچستان کے ضلع پنجگور میں ایران بارڈر جیرک کراسنگ پوائنٹ کی بندش کے خلاف زمباد اور دوہزار گاڑی مالکان اور کاروباری افراد کا جاوید چوک پر احتجاجی مظاہرہ بعد ازاں سی پیک روڈ سرسانڈ کے مقام پر روڈ کو بلاک کرکے دھرنا دیا گیا، جس کی وجہ سے ٹریفک کی لمبی قطاریں لگ گئیں، کئی گھنٹوں تک روڈ بلاک ہونے کی وجہ سے پنجگور تربت گوادر کوئٹہ جانے والے مسافروں کو شدید مشکلات کا سامنا رہا۔ مظاہرین نے مطالبہ کیا کہ جب تک ضلعی انتظامیہ ہمیں باور نہیں کرائے گی ہمارا احتجاج تب تک جاری رہے گا، ضلعی انتظامیہ کی جانب سے اے سی پنجگور امجد حسین سومرو، اے سی گوارگو اسد اللہ نے مظاہرین سے ملاقات کی، انہوں نے مظاہرین کے مطالبات کی منظوری کی یقین دہانی کرائی، بعد میں مظاہرین پرامن طریقے سے منتشر ہوگئے۔