والد عبدالحمید زہری کی بازیابی عمل میں لائی جائے: بیٹی سعیدہ حمید

عبدالحمید زہری کی صاحبزادی سعیدہ حمید نے اپنے ٹوئٹر اکاؤنٹ میں ٹوئٹ کرتے ہوئے کہا کہ میرے والد عبدالحمید زہری کی جبری گمشدگی کو ایک سال سے زیادہ کا عرصہ ہوچکا ہے، آج بھی میرے والد کی خیر خبر نہیں آئی ہے، انہیں جبراً گمشدہ کرنے والے نہیں بتاتے میرے والد کا جرم کیا ہے، متعلقہ پولیس تھانہ بھی جھوٹی تسلیاں دے کر خاموش رہنے کی ترغیب دے رہا ہے۔ کیوں خاموش رہیں؟۔ لاپتہ افراد کے احتجاجی دھرنے میں شامل عبدالحمید زہری کی چھوٹی صاحبزادی مہروز کو یہ بھی نہیں معلوم کہ یہ تصویر میرے حوالے کیوں کی گئی ہے۔ وہ اپنے باپ کو کیوں نہیں دیکھ پاتی؟؟ صرف عبدالحمید زہری کی صحت یابی ہی مہروز کی مسکراہٹ کو برقرار رکھ سکتی ہے۔ مہروز نے آج مجھے کہا کہ سب کے بابا دفتر جاتے ہیں لیکن روز گھر لوٹ کے واپس آتے ہیں لیکن ہمارے بابا کیوں نہیں آرہے؟ اب مہروز کو کیا معلوم کہ بغیر کسی جرم کے پچھلے تیرہ ماہ سے اسکے بابا کو زندان میں قید کر رکھا ہے۔ ہم پر نہ سہی لیکن اس ننھی سی جان پر رحم کرو۔