سوراب میں انتظامیہ کی جانب سے گھر پر چھاپے کے دوران چادر و چار دیواری کے تقدس کی پامالی کیخلاف علاقہ مکینوں نے خواتین کے ہمراہ احتجاجی مظاہرہ کرتے ہوئے کوئٹہ کراچی شاہراہ کو بلاک کر کے ہر قسم کی ٹریفک کیلئے بند کر دیا۔
مظاہرین نے انتظامی اور پولیس آفیسران کیخلاف شدید نعرے بازی کی۔ مظاہرین کا کہنا تھا کہ سوراب انتظامیہ نے ایک شہری کے گھر پر چھاپے کے دوران اہلکاروں نے لوٹ مار کرکے متاثرہ گھر سے لاکھوں روپے نقدی ، مال مویشی اور دیگر قیمتی سامان لے گئے ہیں، جس پر ہمارے پاس احتجاج اور شاہراہ بلاک کرنے کے علاوہ کوئی چارہ نہیںَ
انتظامیہ کی جانب سے مظاہرین کے مال مویشی واپس کرنے پر احتجاج ختم کر کے شاہراہ کو ٹریفک کی آمد و رفت کیلئے کھول د یا گیا۔
