سردار اختر مینگل کی گورنر پنجاب سے ملا قات، اسلامیہ یونیورسٹی بہاولپور کے مسائل پر گفتگو

بلوچستان نیشنل پارٹی کے سر براہ و بلوچ طلبا کو ہراساں کرنے کے خلاف بنائے گئے کمیشن کے کنوینئر سردار اختر جان مینگل نے گورنر پنجاب محمد بلیغ الرحمن سے ملا قات کی ، اس موقع پر بی این پی کے سر براہ سردار اختر جان مینگل نے اسلامیہ یونیورسٹی بہاولپور میں بلوچستان کے طلبا و طالبات ان کے نو روز سے جاری احتجاج، فلی فنڈڈ اسکالر شپس کی بحالی، ہاسٹل کی الاٹمنٹ، بلوچ طلبا کیساتھ امتیازی سلوک، ریزرو کوٹہ پر لی گئی فیس کی واپسی سمیت بلوچ طلبا و طالبات کے تمام مسائل پر تبالہ خیال اور انہیں فوری طوپر حل کر نے پر زور دیا گیا۔گورنر پنجاب و چانسلر یونیورسٹی انجینئر محمد بلیغ الرحمن نے سربراہ بی این پی و کنوینر کمیشن سر دار اختر جان مینگل کو یقین دہانی کرائی کہ وہ اسلامیہ یونیورسٹی بہاولپور کے تمام بلوچ طلبا و طالبات کے مسائل ترجیحی بنیادوں پر حل کرنے کے لئے اقدامات اٹھائیں گے۔