تربت ڈی بلوچ پُل پر لاپتہ افراد کے لواحقین کا دھرنا جاری، روڈ بلاک، جبری گمشدگی کے شکار افراد کی بازیابی کا مطالبہ۔ تربت میں لاپتہ افراد کے لواحقین کی جانب سے تربت ڈی بلوچ روڈ پر دھرنا دیا گیا اور روڈ کو احتجاجاً بند کردیا گیا۔ احتجاج میں لاپتہ افراد کے اہلخانہ اور دیگر لوگوں نے شرکت کی۔ مظاہرین نے مطالبہ کیا ہے کہ تمام لاپتہ بلوچ افراد کو بازیاب کروایا جائے۔ تربت ڈی بلوچ روڈ پر دھرنے کے باعث دونوں طرف ٹریفک کی آمدو رفت معطل ہوگئی۔ واضح رہے ڈی بلوچ پُل تربت سمیت دیگر علاقوں کو میرانی ڈیم ،نگور،دشت سمیت ضلع گوادر کو کوسٹل ہائی وے سے ملانے والی شاہراہ کے سنگم پر واقع ہے۔
