کوئٹہ:
مقامی ذرائع ابلاغ کے مطابق خضدار کی تحصیل نال کھوڑاسک میں گزشتہ شب دو بجے 14 سے 15 مسلح افراد نے دولڑی کے علاقے کونری میں رہائش پذیر ایک غریب خاندان کی جھونپڑیوں پر حملہ کردیا۔
مسلح افراد نے حملے کے دوران جھونپڑیوں کو نذر آتش کردیا، خواتین اور بچوں پر تشدد کرتے ہوئے انہیں زخمی کردیا۔
مسلح افراد کچھ روز قبل اسی خاندان پر پہلے بھی حملہ آور ہوئے تھے، خواتین اور بچوں کو تشدد کرکے زخمی کردیاگیا تھا۔ ذرائع کے مطابق خدشہ ہے کہ مسلح جتھے دوبارہ اسی خاندان پر حملہ آور ہوں گے۔
اس حوالے سے سماجی حلقوں کی جانب سے حکومت سے مطالبہ کیا گیاہے کہ مذکورہ غریب خاندان کی جھونپڑیوں کو جلانا، خواتین اور بچوں پر تشدد کرنے والوں کیخلاف کارروائی کرتے ہوئے مذکورہ غریب خاندان کو تحفظ فراہم کیا جائے۔
