کوئٹہ ۔ بلوچستان کے دارالحکومت کوئٹہ میں پانچ روز سے مطالبات کے حق میں بھوک ہڑتال پر بیٹھے اساتذہ کی حالت غیر ہوگئی بلوچستان اسمبلی کے باہر مطالبات منوانے کیلیے اساتذہ کی تادم مرگ بھوک ہڑتال5 ویں روزبھی جاری ہے، جہاں 11 اساتذہ کی حالت تشویش ناک ہو گئی ہے
اساتذہ کا مطالبہ ہے کہ اپ گریڈیشن، پری میچور انکریمنٹ ،ٹائم اسکیل اور بھرتی کے مطابق پوسٹوں کی الاٹمنٹ کے مطالبات پورے کئے جائیں، جبکہ 2008 کے بعد سے بند کنوینس الاؤنس، میڈیکل سمیت دیگر الائونس بھی بڑھائے جائیں،اساتذہ نے واضح کیاہے کہ اگر مطالبات نہ مانے گئے تو اسکولوں کی تالہ بندی کر دیں گے بھوک ہڑتال پر بیٹھے دو اساتذہ کی حالت خراب ہونے پر اسپتال منتقل کردئیے گئے۔
