بلوچستان اسمبلی میں مناسب سہولتیں نہیں، نئی نسل میں خواتین کو اپنی لڑائی خود لڑنا ہوگی، شکیلہ نوید دہوار

بلوچستان نیشنل پارٹی کی رکن اسمبلی شکیلہ نوید دہوار نے کہا ہے کہ خواتین پارلیمنٹیرئن نے قانون سازی میں اہم کردار ادا کیا ہے، خواتین کی سیاسی اور صحافتی جد و جہد کو نظر انداز نہیں کیا جاسکتا، نئی نسل میں خواتین کو اپنی لڑائی خود لڑنا ہوگی تاکہ اپنی حیثیت و اہمیت کو منوایا جا سکے، خواتین نے ہر شعبے میں سہولیات اور وسائل میسر آنے کے بعد اپنی صلاحیتوں کے جوہر دکھا کر اپنے آپ کو منوایا ہے، ان خیالات کا اظہار انہوں نے جمعرات کو کوئٹہ پریس کلب میں وویمن میڈیا سینٹر کے زیرِ اہتمام منعقدہ ورکشاپ میں خطاب کرتے ہوئے کیاشکیلہ نوید دہوار کا کہنا تھا کہ یہ ثابت ہوا ہے کہ خواتین کے بغیر قانون سازی موثر نہیں ہو سکتی اور بلوچستان اسمبلی میں موجود خواتین پارلیمنٹیرین نے قانون سازی کیلئے تحقیق کی مناسب سہولتیں میسر نہیں ہیں اسمبلی میں جدید لائبریری اور سپورٹنگ اسٹاف کی اشد ضرورت ہے۔صوبائی دارلحکومت کوئٹہ میں جاری ورکشاپ میں شہر کی بڑی جامعات کی طالبات حصہ لے رہی ہیں، اس پروگرام کا مقصد میڈیا سے منسلک خواتین کی تربیت کرنا اور انہیں عملی مواقعوں کی فراہمی میں اہم کردار ادا کرنا ہے۔