:کراچی
انسداد دہشتگردی کی خصوصی عدالت نے اغواء برائے تاوان اور قتل کے مقدمے میں عدم ثبوت کی بنا پر گینگ وار عزیر جان بلوچ اور اسکے بھائی زبیر بلوچ کو بری کر دیا۔
کراچی سینٹرل جیل میں انسداد دہشتگردی کمپلیکس میں خصوصی عدالت نے عزیر جان بلوچ اور اس کے بھائی کے خلاف اغواء برائے تاوان اور قتل کے مقدمے کا فیصلہ سنا دیا۔
استغاثہ جرم ثابت کرنے میں ناکام رہا، عدالت نے عزیر جان بلوچ اور اسکے بھائی زبیر بلوچ کو عدم ثبوت کی بنا پر بری کر دیا۔
وکیل صفائی عابد زمان نے موقف اپنایا تھا کہ ملزمان پر لگائے گئے الزامات غلط اور جھوٹے ہیں، ملزمان کا اغواء اور قتل سے کوئی تعلق نہیں ہے۔
خیال رہے عزیر بلوچ و دیگر کے خلاف 2009 میں چاکیواڑہ تھانے میں مقدمہ درج کیا گیا تھا۔
