Home / Archives / غزل

غزل

عطاشاؔد

چو پہ ارزانی ءَ تائیت نہ بیت تیر منی

دل جم ءَ واب مکن، واجہ منی میر منی

 

پہ وتی تنگہیں جوہان ءَ بشوہاز، زِرے

اے زمین انت ادءَ ہرجاگہ کپنت، بیر منی

 

پہ من ءَ روک منی عاقبت ءِ قندیل انت

’’مرچیگیں ‘‘ دنز نکنت واہگ ءَ سہگیر منی

 

بید  ’’زندآپ ‘‘ تْرہیت اے منی عشق ءِ ہوشام

وہد ءِ  ’’تبدآس ‘‘ نہ کنت امبلو ءَ دیر منی

 

گْرند یک ڈاہے بزانئے کہ شیلت طوفانے

پہ تو یک ہکلے، اے تہنبل ءُ تاہیر منی

 

واجہ ہر جاکہ روئے، راہ پداں گار مکن

کہ چو تلک انت ہمک رہسر ءِ پد گیر منی

 

اے دل ءِ پہکی انت، اے نیّت ءِ نیکی کہ عطاؔ

وت ءَ لیکنت مریدؔ اے مزنیں پیر منی

Share on :
Share

About Administrator

Check Also

Iranian intellectuals call for referendum amid political unrest

Letter with 15 signatories says Iran’s leaders have failed to deliver on republican ideals A …

Leave a Reply

'
Share
Share
Social Media Auto Publish Powered By : XYZScripts.com