Home / Archives / آزمانک چےءَ گوش اَنت چون نبشتہ کنگ بیت ؟

آزمانک چےءَ گوش اَنت چون نبشتہ کنگ بیت ؟

علی جمعہ زامرانی

آزمانک نازرکیں ھیالاں گوش اَنت ءُ ھرچ, نبشتانکے بہ بیت پیسری چیز وھد اِنت کہ آ گپ ءُ تران ءُ کار ءُ ندارگ ءُ موسم ءُ دلءِ مارشت ءُ ھیال ءُ سسا ءِ وھد ءُ پاسءَ پیش دار اِیت. ندکار پیسرءَ وھدءَ وتی ھیالءُ ھوش دانءِ تہءَ کاراِیت پدءَ ھما ندارگءَ وھدءِ تہءَ بھر کنت کہ کجام وھدءَ بوتگ اَنت کجام وھدءَ آسر بوتگ اَنت پد ھما ندارگءِ جاہ ءُ ڈوارءَ وتی مارشتانی تہءَ کاراِیت ءُ پدءَ ھما کسہءِ تہءَ چنچک مردم ءُمھلوک ھوراِنت جندار اَنت بے ساہ اَنت درچک ءُ دار اَنت یا پَٹ ءُ میدان ءُ کوہ ءُ ھسارءُ شیپ ءُ کور ءُ شمءُ سرشم دومگ ءُ گواش ءُ ساھگ ءُ کوہءِ ٹل یا لوگ ءُ کوٹیءِ تہ یا وانگجاہ ءُ راہ یا کاروانی ءُ مساپری ءُ آیانی کرد ءُ کار دیمءَ آرگ بنت کہ آیانی کردءِ تہءَ گم ءُ وشی ءُ شادھی ,جنگ ءُ مڑ مسکرائی یا دوتل ءُ دوپوستی یا مھر ءُ دوستی یا تپاکی ءُ ناتپاکی ءُ زندءِ جنجال ءُ نہ اُمیتی ءُ سوبمندیءِ بنگپ کاینت ءُ ندکار ھمے کرداں وتی ندءِ شھارءَ گوں سیاھیں مَسءِ لکیراں کاگدانی سرءَ نکش کنت , اے درستیں چیز بزاں سساءُ ھیال ءُ مارشت لبزءُ گال ءُ گپتار ءُ کِرد ءُ ندارگ ءُ وھد ءُ پاس ءِ گیش ءُ گیوارءَ رند یکجاہ بنت ءُ نبشتہ کنگ رند یک یک ھیالےءِ دروشمءَ آزمانکءِ کالبءَ آرگ بنت ءُ آ آزمانک چونینے بیت آ ھما ھیال ءُ مارشت ءُ ندکار ءِ زانت ءِ سرءَ اِنت کہ آ آزمانکءَ چونیں رنگے دات کنت ءُ ھمے چیزاں چون ھور ءُ یکجاہ کنت ءُ آزمانک ءِ ردءَ کارایت ءُ آزمانکے جوڑ اِش کنت ءُ آ آزمانکءِ وانگءَرند وانوک چونیں مارشتے وتی باتنءِ تہءَ ماراِیت ،،،،،،”، ,,,,,,,,,,,,, ءُ دومی من وتی یک گُلگِدارےءِ تہءَ آزمانک ءِ باروءَ گوشتگ کہ
آزمانک کسہ ءُ ھیالانی دروشمءِ نام اِنت آ نازرکیں ھیال گوں ندکارءِ زانت ءُ دید ءُ مارشت ءِ شاھیگانیءِ سرءَ اِنت کہ آ ندکار وتی کسہءَ چونیں رنگے بنگیچ کنت ءُ چونیں آسرے دنت ئے کسہءِ نازرکی چہ وشیں گال ءُ ندارگاں ءُ کسہ ساچ ءِ ھیالانی ردءُبند ءُ گوست ءُ وھد سرءَ اِنت ھیالءِ بندیک کجا روت ءُ آسر بیت بلوچی زبان باز وش ءُ شیرکنیں زبانے کہ ھر کسہءِ پشتءَ دگہ کسھے ساچگ بیت ءُ ھر یک ھیالے یک آزمانکے جوڑ بیت دل گنوگیں تلوسیت ند گوں موسمءِ پیمءَ ھمراہ بیت کپتگیں تنھائی سرءَ لِکّ کنت سمیں گوات کش اِیت ءُ وشیں گال ءُ ھیالاں کاراِیت ءُ یک مھربانیں بچکندے شات کنت ءُ یک آزمانکے جوڑ بیت ھمے نازرکیں ھیالانی نام ازمانک انت.
باسک۔ڈاٹ کام
Share on :
Share

About Administrator

Check Also

CPEC would only be favorable for foreigners: Akhter Mengal

QUETTA: China Pakistan Economic Corridor (CPEC) has nothing to do with the native people; it …

Leave a Reply

'
Share
Share
Social Media Auto Publish Powered By : XYZScripts.com