Home / Archives / دوزہ۔۔۔۔۔ شے رگام

دوزہ۔۔۔۔۔ شے رگام

سیرین ءُ وارین ءِ فرق ایش انت کہ سیرین ءِ دپی ءُ وارین ءِ دلی دوست باز بنت۔ سیرین ءِ ملک مردمی ءُ مڑاہ پہ غرض ءُ وارین ءِ بے غرض انت۔ سیرین ءِ دوست بے باور ءُ وارین ءِ باباور انت۔ سیرین ءِ مرگءََ بے ارسیں چماّنی مودگی ءُ وارین ءِ مرگءََ ارسیءَیں چماّنی پدردی مدام ظاہر انت۔
بادشا ہے مریت کسّءَ ہچّ۔ دومی کسے ہما روچءَ بادشاہی ءِ پاگءَ سرءَ کنت ءُ شادہی بیت۔ مسلمانانی بلاءَیں پیغمبر مرت ،حضرت علی آءَی ءِ کفن ءُ کسارتءَ گسی ات کہ آدگر پہ حاکمی ءُ خلیفہ بوئگئَ درّ ءُ دوچءَ اتنت ۔
بلے چوشیں پرک ءُ پیر پہ جہانیاں انت۔ مرگ درستاں یک کنت ناں شاہ ناں گدا، ناں سیاہ ناں اسپیت ناں ہست ناں نیست ۔ چوشیں مارِشت چمدءَ یلہ دینت بلے پہ حدا دوستاں ہمے پرک ءُ پیرہچبر گار نہ بیت۔ چماہاںکسے جنّتءِ فردوسءَ انت، کسے ہمودا کاشیں کُڈّکےءَ او کسے مودءِ گدانءَ او کسے برزیں ءُ تبک تبکّیں ماڑیءَ۔ خونی، ملاّ، دزّ ، لچ ءُ لغز، قہبگ ءُ دار دست، چمیشاں ، ہر کسءَ کہ نماز کتگ، حج کتگ ، ذکات داتگ، دراجیں ءُ بزیں ریش داشتگ ،دپ مزواک ءُ چم سرمّگ کتگ انت،شلوارانی پادگ چہ گُپّی آں برز لانتکگ انت،نیتءَ بد ءُ دپ پُرّ دروغ بوتگ۔ آ بہشتءَ عیش کننت۔ یک نیمگے ہما وراک کہ وشّیءَ بازینے ءِ لنکک گڑگ بنت ءُ دومی نیمگءَ حُورانی نازرکیں بدن ءُ گلمانانی نرم تبی کہ مرتگیں دلاں بود کارنت۔ بلے مشک گودانیںپیریں حُور ءُ مزن پُشت بندیں ءُ دراج اعضائیں گلمان پہ ہر کسءَ نہ انت۔
بلے دوزہ پہ ’’ یک جہانیاں‘‘ بہشتے۔ اودا پرک ءُ پیر نیست۔ ہر کس دومی ءِ غماں شریدار ۔ بہشتءَ ہرکس وتی وشّیانی غموار انت، دگرءِ سُدّ  نیست بیدء ایشیءَ کہ آئی ءِ حور یا گلمان شرتر انت ءُ منی حراب انت یا آئی ءِ شرابانی بوتل ءِ دپ پچ بیت ءُ منی ءِ نہ بیت یا بینگ مگسک آئی برنگنیں ریشاں پرچہ پر رِچنت ۔ بلے باگیں دوزہ چہ بہشتءَ ہنچو زیبناک ءُ پُر براہ انت کہ بہشتی ہم وداری انت کہ کدی بہشت دوزہ بہ بیت۔ ؎

طاعت میں تا رہے نہ مے وانگبیں کی لاج

دوزخ میں ڈال دو کوئی لیکر بہشت کو

(شے رگام ءِ کتاب دل ہوسانی ستکگیں طالعءَ چہ نبشتانکے)

Share on :
Share

About Administrator

Check Also

US told Pakistan does not need aid: Asif

ISLAMABAD: “Pakistan is trying to maintain a balance in its relationship with the US and …

Leave a Reply

'
Share
Share
Social Media Auto Publish Powered By : XYZScripts.com