Home / Archives / بلوچی ءُ سمیری زبان ءِ نیام ءَ لہتیں ہمگونگی

بلوچی ءُ سمیری زبان ءِ نیام ءَ لہتیں ہمگونگی

بلوچی ءُ سمیری زبان ءِ نیام ءَ لہتیں ہمگونگی
واحد بخش بُزدار

سُمیری مہلوک ءِ باروا چو ناہاپکیں صورت ءَ زانگ نہ بیت کہ آ کجام ڈیہہ ءُ کجام نسل ءِ مردم اتنت؟ بلے آدیریگیں وہداں عراق ءَ آہتنت ءُ جہہ مند بوتنت ءُ آہاں عراق ءِ تہا یک بلاہیں تہذیب یے بنا کتگ اَت کہ اِے ہما جاگہ ءِ نام ءِ سرا ’’سُمیری تہذیب ‘‘ زانگ بیت۔
بلے دومی نیمگا اے ہم پک انت کہ سومری عراق ءِ کہنیں ءُ اولی آبات کار ءُ جہہ منند نہ اتنت ۔ چریشاں ساری ءَ ہم اِدا مہلوک جہہ منند اتنت ۔ چہ سُمیریاں پیشگیں ہمے نا معلومیں مہلوک عراق ءِ اولی ءُ اہمیں تہذیب ءِ بندات کنوک اتنت۔ بلے ایشانی باروا ہم زانگ نہ بیت کہ اِے کئے اتنت؟ البت سیمی ہزاری پیش مسیح ءِ سُمیری نبشتگانی تہا ایشان ءَ سوبیری (Subarian) نبشتہ کنگ بوتگ۔بلے سُمیریاں چہ پیش ہر کس کہ اودا جہہ مننداتنت آچہ سُمیریان ءَ جتائیں مہلوک یے ات ءُ آیانی زبان ہم چہ سُمیری زبان ءَ جتا ات۔ ایشی ءِ پدرائیں ثبوت ایش انتکہ سُمیریانی اہمیں شہر ءُ ہند ءُ جاگہانی نام چہ سُمیری زبان ءَ پہک ءَ جتا زانگ بنت۔ پہ مثال ءَ سویری دجلہ ءَ را ’’ اِدگلت ‘‘ ءُ فرات ءَ را ’’ برانون ‘‘ گوئشت انت، کہ اِے سُمیری زبان ءِ لوزنہ انت۔
ابن حنیف ءِ ہیال ءَ سُمیریاں چہ پیش ادا سامی نسل ءِ مردم آبات اتنت ۔۱
بازیں پٹ ءُ پول کنوکانی گمان اِنت کہ آچہ کوہی دمگے ءَ ادا آہتنت ءُ آبات بوتنت۔ آیانی ردا بلکیں اے کوہی دمگ ’’ بلوچستان ‘‘ بوت کنت ءُ سُمیری چہ بلوچستان ءَ آہتنت ءُ ادا جہ منند بوتنت۔۲
مگاں پکیں صورت ءَ ہچ گشگ نہ بیت کہ سُمیری کئے اتنت؟ چہ کجام راہ ءَ سومیر ءَ سر بوتنت ، بلکیں آچہ میانجی ایشیا (Central Asia ) کا کیشیا یا ، آرمینیا ءَ آہتنت ءُ چہ قطبی مسیوپوٹیمیا ءَ گوزان ءَ دجلہ ءُ فرات ءَ سر بوتنت۔ یا بلکیں آ کہنیں کسہ ءُ روایتانی متابک ءَ چہ مصر ءَ یا چہ دگہ جاگہے ءَ بُوان ءَ پارس ءِ مزن ہور ءَ آپی گرابانی ذریعہ ءَ اِدا سر بوتنت۔ یا چہ سوسا(Susa ) ءَ آتکگ انت۔ یا اِے ہم بوت کنت کہ آکہنیں ءُ کدیمیںمنگولانی نسل ءَ بنت چیاکہ ایشانی زبان ءِ تہا منگولی زبان ءِ بازیں دروشم گندگ بنت۔ ۳
چے راست اِنت ءُ چے دروگ انت۔ ما پکائی ءَ ہچ گُشت نہ کنیں۔ البت سومری زبان ءِ بازیں دروشم گوں بلوچی ءَ سک نزیک گندگ بنت۔ چریشی ءَ یک نیمگے اِے پد را بیت کہ بلوچی سک کہن ءُ کدیمیں زبان ایت ءُ دومی نیمگا اِے ہم سہرا بیت کہ بلوچ مہلوک ءَ چہ ایندگہ آریائی راجانی نسبت ءَ باز ساری چہ میانجی ایشیا لڈ ءُ بار کتگ ءُ زرباری رو برکتی ایران ءُ عراق ءِ دمگاں جہہ منند بوتنت۔
چہ درستاں اہمیں چیز ایش انت کہ سندہ تہذیب (Indus Civilization) ءِ باروا گشگ بیت کہ ایشی ءِ تہذیبی سیادی ءُ واپاری رفت ءُ ریچ گوں عراق ءِ سومری مہلوک ءَ اَت۔ عراق ءِ تہا 2003 ءُ 2000 پیش مسیح ءِ وہداں کارمرز بوؤکیں سندہ ءِ لہتیں مُہر (Seal) ہم درگیجگ بوت انت۔ ۴ بلے دومی نیمگا سندہ ءِ تہا عراق ءِ ’’ مُہر ‘‘ گندگ نہ بوتنت۔
سندہ ءُ عراق ءِ نیا ما ہمے واپاری رفت ءُ ریچ ءِ باوجوت سندہی ءُ سومری زبانانی تہا ہاسیں ہمرنگی ءُ ہمگونگی یے گندگ نہ بیت۔ وہدیکہ بلوچی ءُ سومِری ءِ تہا ہمرنگی ءُ ہمگونگی ءِ بازیں مثال گندگ بنت۔
پہ مثال ءَ ’’ مُچ ‘‘ ءِ ہاترا سُمیریانی گوئرا سولمب ’’Sulumb ‘‘ ءِ لوز کارمرز بوتگ ات ءُ ہمے لوز ’’ہولمب ‘‘ ءِ صورت ءَ ہ ءُ س ءِ مٹی ءُ بدلی ءَ گوں مروچی ہم بلوچی ءَ کار مرز بیت۔
ہمے پیما سومِری ءِ لوز ’’ اُرودو ‘‘ بلوچی ءَ ’’ رود ‘‘ ءِ صورت ءَ کارمرز بیت۔ وہدیکہ براہوئی ءُ فارسی ءِ تہا ایشی ءِ ہاترا ’’ مِس ‘‘ کارمرز بیت۔
بلوچی ءِ لوز دمب (Dumb) سُمیری ءِ تہا دب (Dub) کارمرز بیت وہدیکہ ہنگری ءِ دومب (Domb) ہم بلوچی ءَ گوں سک نزیک انت۔ سُمیری ءُ ہنگری ءَ ابید سکہتین ، مصری، ترکی ءُ فنی اوگری ءِ لوزہم بلوچی ءَ گوں نزیکی دارانت۔
اِدا اِے جہلی مثالاں بچارات۔
بلوچی دمب(dumb)= mound, hill
سیمری:(dumb)
مصری:Tep
ترکی :Tepe
اوگری : Tomp
سنسکرت : Stupa (دمب ءُ کوہ ءِ شکل ءِ )
انڈوسکہتین :Tope
فارسی : تپہ
سرائیکی : ٹبہ
اُردو : ٹیلہ
بلوچی ءِ پُر ’’ Pur ‘‘ ہم سومِیری ءَ گوں ہوار ہنگری ءَ سک نزیک اِنت۔
بلوچی : پُر (Pur) Ash
پُلک :(Pulk): Sand, Dust
سُمیری : Par-im : Sand , Dust
ہنگری : پور (Por)
ترکی: بار (Bar)
ہمگونگی ءُ ہم رنگی ءِ چوشیں مثال سک باز انت۔ اِدا لہتیں دگہ مثال گندگ کرز اَنت۔
بلوچی : تاپ : heat
بلوچی : آس : Fire
سُمیری : Fire, heat : izi . Tabi
مصری: hot, fire, flame: Tau
فنش: Fire: Tuli
چؤوش:Warmth, heat : asha
ترکی:heat : Tav
ہنگری :Frying Pan: Tapsi (بلوچی: تاپو۔ تاپگ)
کراچائے بلکر: frying Pan: Taba
بلوچی :جنک:Girl
سُمیری : =Ge
ہنگری : Yang
کردی : کنیشگ
فارسی : کنیز
یونانی : گنیکا
پشتو: جنی

سُمیری : Woman: Geme
بلوچی : جن
یونانی: گنس
ویدک: گنا
پشتو: خزا
کہوار: جورو ( جَن سے جورو)
ہندی: جورو
سندہی: جو ءِ
لاطینی: زئس
گلگتی : گیرین
چلاسی : گین
استوری : چی

سُمیری : Strength, Force: ni
بلوچی : نروا
فارسی : نیرو
MU – M1
m1 – mu
سُمیری : Female, Woman= ni. nu
بلوچی: مائی

سُمیری : from = ta
بلوچی : چہ Cha
عیلامی : hazza
فارسی :از
سُمیری : To= ta
بلوچی : تاں۔ داں Faraway
سُمیری Remote, Farwaway =Bad
بلوچی: پد Behind
فارسی : پس
عربی:بعد
سُمیری: Place, Town= ki
بلوچی: جاہ ۔ جاگہہ
فارسی: گیئو۔ گاہ
سکہتین : ka
حتی: ka
سرائیکی: تہاں
سُمیری: Wisdom, knoweledge= Zu- Su
بلوچی : زانت ۔ زان
سنسکرت۔ جان
براہوئی چہان
انگریزی : know (انگریزی کا ’’kn ‘‘ ہندایرانی کے ’’ ز ‘‘ کے مترادف ہے۔ مثلاً Know ازان۔ knee : فارسی۔زانو۔ بلوچی : زان وغیرہ ۔

سمیری: Wargod = ner-gal
بلوچی : نرگل جنگجو۔ دلیر
ہنگری: Great lord= nagyur

سومری: New born, child, yong( of herd animal)=tur
بلوچی: تول : نسل، بچہ۔ نومولود
فارسی طولہ
سیمری : Whell, chariot = gigir
مشرقی بلوچی: گرگاڈا
فارسی : غردہ
سندہی : گڈی
انگریزی :ـ Chariot ( بہی اِسی سے مشاہبت رکہتاہے)
سمیری : kisi
بلوچی: کاسگ
فارسی: کاسہ
یونانی:Kylix (پیالہ)
سومری : wise = malga
اکادمی: مِلکم، مولک(mulak) chief
بلوچی: ملکوک: نرم ، لطیف ۔ اچہا
لاطینی: Mollis
یونانی: malakos
دراوڑی: mel

سرشونReferences.

1۔ ابن حنیف ۔دنیا کا قدیم ترین ادب (حصہّ اوّل) بیکن بکس،ملتان۔ 1998 تاکدیم۔ 36
2۔ ابن حنیف ، دنیا کا قدیم ترین ادب (حصہ اوّل ) تاکدیم۔ 44
3۔ ول ڈیورانٹ/یاسرجواد۔ عرب ۔تخلیقات۔ لاہور۔ 1997 تاکدیم۔ 18
4. Bashan, A.L: The Wonder that was India, The Macmillan Co,
New York- 1959- p-19

ہنکین2009، شعبہ بلوچی، بلوچستان یونیورسٹی

Share on :
Share

About Administrator

Check Also

پارلیمنٹ پر لعنت بھیجنے والے آمریت کی خوشنودی کر رہے ہیں ،بی این پی

کوئٹہ: بلوچستان نیشنل پارٹی کے رہن ؤں ملک ولی کاکڑ، نوابزادہ لشکری رئیسانی، عوامی نیشنل …

Leave a Reply

'
Share
Share
Social Media Auto Publish Powered By : XYZScripts.com